VOV4.Xơ Đăng - Rôh hôp Chin phuh ‘na luât khế 1/2022 po a kơxo lơ 19/1. Tơpui a rôh po hôp, pôa Phạm Minh Chính, Ngế pro xiâm hnê ngăn Chin phuh pơkâ thế, mâu kăn xiâm, kăn pơkuâ kơvâ cheăng athế hnê mơhno tơdrêng hnoăng cheăng mơjiâng ƀă pêi pro klêi troăng hơlâ pơkâ, pôi tá pơkâ thế ăm râ phŏ tung kơvâ cheăng kố, rêm khế athế pơkâ thế séa ngăn mâu tơdroăng ki tơvâ tơvân, kal pơkâ tơleăng ‘na tơdroăng ki nếo, tơdroăng ki nếo trâm tung pơla hnê mơhno, pơkuâ mâu tơdroăng ki tá hâi ai pơkâ lơ hiăng ai pơkâ la tung tơdroăng ki ai khât hiăng tơkâ luâ.

Tung pơla hdrối kố nah, Chin phuh, Ngế pro xiâm hnê ngăn Chin phuh hiăng tơmâng ngăn khât troh hnoăng cheăng mơjiâng ƀă pêi pro klêi tơdroăng pơkâ – môi tung 3 tơdroăng ki kal tung la ngiâ tiô mâu tơdroăng pơkâ Hneăng hôp Đảng lâp tơnêi têa. A rôh hôp kố, mâu kăn tơpui ‘na kơxop hlá mơéa Luât troăng prôk ki ‘mâi rơnêu; kơxop hlá mơ-éa Luât rak tơniăn, troăng prôk; kơxop hlá mơéa Luât khu lêng ki veăng rak vế gak kring, tơniăn a mâu kong pơlê ƀă ai mâu tơdroăng luât kal ki ê.

Katarina Nga tơplôu ƀă tơbleăng