VOV4.Xơ Đăng - Kơxo lơ 4/4, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh pơkuâ roh hôp Chin phuh tiah hmâ khế 3 vêh mơnhên tơdroăng châ tơƀrê khế 3 ƀă hvái ngăn pái khế apoăng hơnăm 2022. Ngế pro xiâm hnê ngăn tơnêi têa tối ăm ‘nâi, tơdroăng kal kí ôh tá tơniăn, tơbriât kong têa kân kơtăng ó, yă tơmeăm khoăng rôe ƀă liăn chu rơpâ yă tâk hên; tơdroăng pơreăng xông tâ tú ó, pro pá ăm tơdroăng cheăng kâ, pêt mơjiâng tơmeăm khoăng, tê mơdró tung tơnêi têa.

Ngế pro xiâm hnê ngăn tơnêi têa pơkâ, thế kơtăng mơnhên mâu tơdroăng môi tiah mơ’no liăn xuân tá hâi hên; tá hâi rơkê tơtro; tơdroăng tơmeăm kreăng a tơkăng kong pêi kơtăng laga tá hâi tơleăng tâi tâng; mâu kuăn pơlê a kơpong hơngế, hơngo; kơpong pá puât; tung tơdroăng pâk pơkeăng vaccine ối tơngôu, tơdroăng pâk tá hâi tiô pơkâ pói vâ, kal rĕng pro tơniăn tung tơdroăng pá puât ối tơvâ tơvân tá hâi tah lôi tung pái khế apoăng hơlăm 2022; hbrâ pêi ƀeăn ƀĕng rơkê ƀă mâu tơdroăng nếo mâu tơdroăng ki kô chiâng ai nếo.

A Sa Ly tơplôu ƀă tơbleăng