Pôa Phạm Minh Chính - Ngế pro xiâm hnê ngăn Chin phuh tơdah Ngế xiâm pơkuâ kăn lêng Azerbaijan
Thứ sáu, 10:00, 05/09/2025
Tơplôu: Gương/VOV
Tơplôu: Gương/VOV
VOV.Xơ Đăng - Kơmăng hâi lơ 4/9, a Tíu pêi cheăng Chin phuh, pôa Phạm Minh Chính Ngế pro xiâm hnê ngăn tơnêi têa tơdah Ngế xiâm pơkuâ ngăn lêng Azerbaijan, Thươ̆ng tươ̆ng Zakir Hasanov ƀă mâu ngế tung khu kăn lăm pôu Việt Nam, veăng leh tơbâ 80 hơnăm Kăch măng khế Tơheăm ƀlêi trâng ƀă hâi mơjiâng Tơnêi têa lơ 2/9.
A rôh tơdah, pôa Phạm Minh Chính Ngế pro xiâm hnê ngăn tơnêi têa pơkâ thế Khu xiâm pơkuâ ngăn lêng péa tơnêi têa pơtối mơdêk, pro trâu rơdâ tâ nếo tơrŭm cheăng lêng péa pâ tơtro ƀă Tung hlá mơ-éa chôu pâ pơla Kăn xiâm pơkuâ ngăn lêng péa tơnêi têa.
‘Na tơrŭm cheăng lêng ƀă mâu hlá mơ-éa chêh hiăng kĭ; tơbleăng tơpui tung tâi tâng rêm râ, malối cho râ kăn xiâm; mơdêk tơrŭm hnê hriâm; tơrŭm tơniăn ‘na kế kâ - kih thuât, tăng ‘nâi plĕng, pơ’lêh cheăng kŏng ngê̆, mơnhông kơmăi kơmo cheăng lêng, mơdêk tơdjêp troăng prôk rơxế lơ treng, trâm tơpui tơno túa lĕm trop, tơpui tơno ƀă kuăn pơlê.
Viết bình luận