Pôa Phạm Minh Chính vêh mơnhên, Việt Nam ngăn tơdroăng tơrŭm tiô khôi hmâ tơrá nhŏng o, cho pú hmâ ki ai hnoăng cheăng tơniăn ton pơla Việt Nam ƀă kong têa Rusi; hơniâp ro xua ing tơdroăng ki mơnhông rơkê khât pơla péa pâ tơnêi têa tung hên kơvâ cheăng, maluâ mâu hneăng trâm mâ, tơpui tơno pơla mâu kăn xiâm hmâ châ tơkŭm po đi đo, tơrŭm cheăng kâ-tê mơdró-mơ’no liăn cheăng, túa lĕm tro, ôm hyô, hnê hriâm-hnê mơjiâng hiăng châ pêi pro hên hnoăng cheăng ki ai pơxúa kân khât.

Loi tơngah hneăng lăm pôu dêi Kŏng hoa Tatarstan troh a Việt Nam roh kố kô veăng gum thăm mơdêk tơrŭm cheăng pơla Kŏng hoa Tatarstan ƀă mâu kong pơlê, pơlê kong kân a Việt Nam, veăng gum thăm mơdêk hiâm tuăn pú hmâ ki tơrŭm cheăng krá tơniăn ton tung rêm kơvâ cheăng pơla Việt Nam ƀă kong têa Rusi. Pôa Phjam Minh Chính pâ thế peăng Kŏng hoa Tatarstan kơhnâ khât tâ nếo tung tơrŭm pơla mâu kong pơlê, pơlê kong kân dêi Việt Nam, ki rơhêng vâ tối cho thăm mơdêk tơrŭm, trâm mâ pơla péa pâ kuăn pơlê dêi péa tơnêi têa tung la ngiâ kố hía ah rế hên tâ.