A rôh tơpui tơno Péa ngế pro xiâm hnê ngăn hiăng môi tuăn mơdêk tơrŭm cheăng Việt Nam – New Zealand tâk troh a kong têa tơrŭm cheăng tung la ngiâ Tŭm têk, pêi pro châ tơdroăng púi vâ dêi kuăn pơlê péa tơnêi têa ƀă veăng gum tung tơdroăng ki hơniâp lĕm, tơniăn, tơrŭm ƀă mơnhông a kơpong ƀă tung lâp plâi tơnêi; tơdrêng amê hlối tối nhên kal rĕng mơjiâng Tơdroăng Pêi pro tơbleăng tơrŭm cheăng tung la ngiâ Tŭm têk pơla hơnăm 2025 – 2028 vâ pro pơhlêh túa pêi, tơdroăng tơkêa mâu tơdroăng ki kal dêi tơrŭm cheăng nếo ƀă mâu tơdroăng tơmiât pêi rơkê, túa pơkâ pêi tơkêa tơrŭm cheăng nhên.

Ƀă mâu tơdroăng tung kơpong, kong têa ê, péa pâ hiăng môi tuăn tung pơla lâp plâi tơnêi ƀă tung kơpong ai mâu tơdroăng ki pơhlêh ó khât, péa tơnêi têa mơ-eăm mơdêk tơpui tơno, mơjiâng hiâm mơno loi tơngah a kơpong; thăm mơnhông tơrŭm cheăng krê ƀă tŏng gum dêi rơpó a mâu rôh hôp tung kơpong ƀă tung lâp plâi tơnêi, malối cho Khu lâp kong têa, ASEAN ƀă mâu rôh hôp xua ASEAN pơkuâ djâ, mơdêk khât hnoăng cheăng tíu xiâm dêi ASEAN tung pơkâ pêi tung kơpong dế pơkâ pêi.