Pêi cheăng ƀă kăn pơkuâ mâu khu xiâm, kơvâ cheăng ƀă kăn pơkuâ kong pơlê Thái Nguyên, Ngế pro xiâm hnê ngăn tơnêi têa rơhêng vâ mơnhông hiâm mơno mơ-eăm xêh, mơ-eăm tơkâ luâ tung mâu tơdroăng ki ‘mâi rơnêu mâu kế tơmeăm ki tro tơ’nhiê xua khía mơhot kân pro. Pôa Phạm Minh Chính, Ngế pro xiâm hnê ngăn tơnêi têa troh diâp tơmeăm, kơ-êng mâu rơpŏng kuăn pơlê ki tro tơ’nhiê tơmeăm xua kong mê têa lân llu, veăng hơlêm ƀă mâu tơdroăng ki tro tơ’nhiê kế tơmeăm, hlâ rong ‘na kuăn mơngế dêi vâi krâ kuăn pơlê kong pơlê Thái Nguyên dế trâm xua kong mê khía mơhot kân sap nah tá hâi chói ai. Ngế pro xiâm hnê ngăn tơnêi têa rơhêng vâ kuăn pơlê pơtối tơrŭm, mơnhông hiâm mơno tŏng gum dêi rơpó tung pơla ki xơpá kố.

Ngế pro xiâm hnê ngăn tơnêi têa pơkâ thế mâu kơ koan, kơvâ cheăng tung lâp kong pơlê veăng tŏng gum, tơrŭm, môi tuăn, xing xoăng nhên tơdroăng ki séa ngăn mâu ngế ki xơpá khât, mơnhông hiâm mơno tơrŭm tơkâ luâ xơpá, mơ-eăm mơnhông klêi kơ’nâi kong mê khía mơhot kân pro.