Xông tơpui a roh trâm mâ, diâp kơxuô tơmeăm mâu Khu ti tăng chiâ, tơkŭm kơxêng kiâ mô đô̆i dêi Kuân khu 9, pôa Phạm Minh Chính, Ngế pro xiâm hnê ngăn tơnêi têa mơnhên Đảng, Tơnêi têa kô pơtối pêi tâi ivá tơná, mơhnhôk tá khu cheăng kal kí ƀă lâp pơlê pơla vâ pêi pro châ tơƀrê tâ tơdroăng ti tăng, tơkŭm ƀă mơnhên inâi mô đô̆i hlâ tung tơplâ xâ, vâ ôh tá ai môi ngế mô đô̆i hlâ tung tơplâ xâ ki lâi tro piu lôi, ôh tá ăm ai rơpŏng ai mô đô̆i hlâ tung tơplâ xâ ki lâi thế tơkôm tung tơdroăng ki ôh tá pói tơngah’’.

Ngế pro xiâm hnê ngăn tơnêi têa pói vâ ƀă loi tơngah ƀă khôi túa lĕm tro trâu hơngế, hiâm mơno ‘’khoh ai hâi kố kơnôm hnoăng chal hdrối nah ‘’, ‘’kâ plâi pâ hnoăng ngế ki pêt loăng’’, ƀă khŏm mơ-eăm hên ƀă tơdroăng môi tuăn dêi tâi tâng Đảng, tâi tâng kuăn pơlê, tâi tâng khu lêng pin, tung la ngiâ, khu ki ti tăng, tơkŭm chiâng xo kơxêng kiâ mô đô̆i vâ pơtối mơnhông hiâm mơno pôu râng hnoăng cheăng ƀă mâu túa pêi rơkê hiăng ai, mơ-eăm tơkâ hluâ pá puât, pơloăng mơnúa vâ pêi kêi đeăng hnoăng cheăng châ pơcháu; kum pro kơdroh tơdroăng châi tung tơplâ xâ, pôu râng hnoăng cheăng ƀă mâu ngế hiăng kơtong hlâ xua tơniăn krê, tơniăn krê, môi tuăn Tơnêi têa.