Ƀă tơdroăng hmâ pêi pro ki lĕm, ivá rơdêi ƀă tuăn loi dêi môi kơ koan ton nah xiâm ing 80 hơnăm mơjiâng, xông rơdêi, pôa Phạm Minh Chính - Ngế pro xiâm hnê ngăn tơnêi têa tối tiah kố, Rơ’jíu xiâm Việt Nam kal pơtối mơ-eăm, pơ’lêh tâ nếo tă tuăn tơmiât, ki hlê plĕng ƀă pêi pro, ki tơƀrê, mơdêk tơbrê tung tŭm tơdroăng cheăng rak vế pêi pro tiô tơdroăng hmâ ton nah, ki tơƀrê, pơtối pêi tơdroăng ki lĕm ton nah dêi mâu rơxông hdrối hiăng hnê ăm troh tơdroăng chêh hlá tơbeăng kăch măng”: Meăm thép tung loăng chêh, on tung plâi nuih”, veăng ‘no hên hnoăng tâ nếo ăm tơdroăng mơjiâng mơnhông tơnêi têa ƀă kring vế Tơnêi têa.

Ngế pro xiâm hnê ngăn tơnêi têa pơkâ thế Rơ’jíu xiâm Việt Nam pơtối pơ’lêh tuăn tơmiât, túa pêi cheăng tơmâng khât ki tơƀrê,  pêi pro tro tâ nếo tơdroăng nếo ai, tơdroăng tối tơbleăng ƀă troăng hơlâ pơkâ pêi 30 to chư “xiâm, ăm hlo nhên, teăm tơdrêng - Hbrâ rơnáu, rơkê ƀeăn, hriêăn plĕng tâ nếo - Rơtế ƀăng, kơhnâ achê, hnoăng cheăng pêi, tro túa lĕm tro, khoa hok, túa nếo nôkố - Mơ-eăm, teăm tơdrêng, pêi tơƀrê”. Rôh kố, Ngế pro xiâm hnê ngăn tơnêi têa diâp ăm Rơ’jíu xiam Việt Nam 16 chư chêh: “Khên tơnôu- ing tơdroăng ai khât - Tâi tâng tŭm tơdroăng - Teăm tơdrêng - Túa lĕm tro - cheăng ƀă kơxô̆ - Hriĕn plĕng ki nếo - Tơƀrê”.