Kơxê hâi lơ 9/9 a tíu pêi cheăng xiâm Đảng, Tôh pêi cheăng kơxô̆ 2 dêi Khu xiâm kal kí pêi cheăng ƀă Kăn teăng mâ mâu Khu kăn dêi Tỉnh ủy Tây Ninh, Tuyên Quang vâ ăm hnê tối a mâu tơdroăng hlá mơ-éa chêh ƀă troăng hơlâ mơngế pêi cheăng râ ủy pơtroh ăm Hneăng hôp mâu kăn Đảng ƀô̆ kong pơlê hneăng hơnăm 2025-2030. Tôh pêi cheăng kơxô̆ 2 xua pôa Phạm Minh Chính - Ngế  pro xiâm hnê ngăn Chin phuh pơkuâ pêi cheăng.  

Tơbleăng dêi mâu kăn xiâm Kal kí, kăn hnê ngăn vâ môi tuăn ƀă hlá mơ-eá  chêh mâu tơdroăng chêh dêi Tỉnh ủy Tây Ninh, Tuyên Quang, pakĭng mê, pơkâ nhên tơ’nôm mâu tơdroăng ki pêi tơƀrê, mâu tơdroăng ki hâi pêi, tơ’nôm tối nhên tơmeăm khoăng, ki rơdêi dêi rêm kong pơlê, tơ’nôm tơdroăng vâ pêi tung mâu hơnăm nếo ƀă pơkâ ƀă tơrêm kong pơlê.

Krê ƀă kong pơlê Tây Ninh pôa Phạm Minh Chính pơkâ thế Đảng ƀộ kong pơlê mơdêk rơdêi mơjiâng Đảng, tơdroăng kal kí krúa lĕm, rơdêi, pơtối pêi tơdroăng lĕm ton nah, khên tơnôu; tơƀrê  mơnhông cheăng kâ - pơlê pơla; kring tơniăn cheăng lêng; tơdrêng ƀă lâp tơnêi têa mot tung chal nếo, chal ki mơnhông tơná dêi hdroâng mơngế.