Pôa Phạm Minh Chính, Ngế pro xiâm hnê ngăn pơkuâ po rôh hôp rôh má péa dêi Vi ƀan Tơnêi têa APEC 2027
Thứ năm, 11:29, 29/01/2026
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Kơxê hâi lơ 28/1, a Kơpong cheăng kâ Phú Quốc, kong pơlê An Giang, pôa Phạm Minh Chính, Ngế pro xiâm hnê ngăn tơnêi têa pơkuâ po rôh hôp rôh má péa dêi Vi ƀan Tơnêi têa APEC 2027 vâ séa ngăn tơdroăng ki hbrâ rơnáu ăm Măng tĭng APEC 2027 tung pơla hdrối nah, tơdrêng amê hlối môi tuăn ƀă tơdroăng cheăng pêi tung la ngiâ.
Tơpui mơgêi rôh hôp, pôa Phạm Minh Chính, Ngế pro xiâm hnê ngăn tơnêi têa tối tiah kố tơdroăng ki tơkŭm po ƀlêi chiâng Rôh hôp APEC 2027 a Phú Quốc ôh ti xê cho tơdroăng ki hâk tơngăm dêi An Giang mê ối cho hnoăng cheăng ki kal tung tơdroăng mơdêk hnoăng cheăng a kong têa ê dêi Việt Nam tung chal ki mot tơrŭm cheăng trâu hngế ƀă tơxup tơbriât tung lâp plâi tơnêi. Ƀă troăng ngăn hơngế, rơdâ, tơmiât trâu, pêi kân.
Ngế pro xiâm hnê ngăn tơnêi têa tối tiah kố, athế xúa tâi mâu rôh tơ’lêi tơkŭm po Hôp vâ mơđah tơbleăng um méa môi Việt Nam tơnôu, tơniăn krê, mơ-eăm xêh, hơniâp lĕm, rơkê, nhuô̆m kơ tơmối, krâu ƀă tơdrăng.
Viết bình luận