VOV4.Xơ Đăng - Kơxo lơ 10/10, hâi pơ’lêh pêi cheăng xúa kơmăi kơmok kŏng ngê̆ tơnêi têa hiăng tơkŭm po a Tíu xiâm Hneăng hôp tơnêi têa veăng amê ai pôa Phạm Minh Chính, Ngế pro xiâm hnê ngăn Chin phuh ƀă pơtroh tơdroăng pơtâng hnê tối dêi Chin phuh ‘na thăm pêi pro rơdêi tơdroăng pêi cheăng xúa kơmăi kơmok kŏng ngê̆ tơnêi têa.

Xông tơpui a roh leh, Ngế pro xiâm hnê ngăn tơnêi têa mơnhên, Đảng, Tơnêi têa pin đi đo nhuô̆m ƀă ngăn pơ’lêh pêi cheăng xúa kơmăi kơmok kŏng ngê̆ cho môi tung mâu hnoăng cheăng ki xiâm tung tơdroăng pêi cheăng xúa kơmăi kơmok tiô chal nếo, pêi cheăng tiô rơxông nếo. Hlá mơ-éa ki kal Hneăng hôp XIII dêi Đảng tối troh tơdroăng pơ’lêh pêi cheăng xúa kơmăi kơmok kŏng ngê̆, tơdroăng cheăng kâ xúa kơmăi kơmok kŏng ngê̆, rêh ối pơlê pơla tung mâu pơkâ pêi, troăng tơmiât mơnhông mơdêk ƀă châ tơƀrê pêi cheăng ton xŏn.

Pôa Phạm Minh Chính, Ngế pro xiâm hnê ngăn tơnêi têa xông tơpui a hneăng hôp

Pơkâ dêi Khu xiâm kal kí hiăng tối rơdêi pơkâ thăm pêi pro rĕng tơdroăng pơ’lêh pêi cheăng xúa kơmăi kơmok. Tơdroăng pơ’lêh pêi cheăng xúa kơmăi kơmok kŏng ngê̆ troh hơnăm 2025, pơkâ pêi troh hơnăm 2030 dêi Chin phuh pêi pro tiô troăng pơ’lêh pêi cheăng xúa kơmăi kơmok kŏng ngê̆ tâi tâng ƀă veăng amê ai kuăn pơlê, pơlê pơla khu tê mơdró ƀă kơ koan pơkuâ tơnêi têa.

            VOV Tây Nguyên/Tơplôu: A Sa Ly