VOV4.Xơ Đăng - Pôa Phạm Minh Chính, Ngế pro xiâm hnê ngăn tơnêi têa hnê tối mâu khu xiâm, kơvâ cheăng, kong pơlê pêi tơdrêng tơbleăng tơdroăng ‘mâi mơnhông cheăng kâ rêh ối - pơlê pơla. Tung kơthô tối nhên: Vâ rak tơniăn tơbleăng pêi tơdrêng, pơtối rak vế tơ-brê tơdroăng ‘mâi mơnhông cheăng kâ rêh ối, Ngế pro xiâm hnê ngăn tơnêi têa hiăng pơkâ thế mâu khu xiâm, kơ koan, kong pơlê tơbleăng pêi kơtăng, pêi tơ-brê tâ nếo mâu tơdroăng cheăng troăng rơhlâ pơkâ kơxô̆ 11 dêi Chin phuh.

Tung hơnăm hdrối, mâu Khu xiâm, kơ koan, kong pơlê hiăng tối tơbleăng pêi mâu tơdroăng cheăng troăng rơhlâ pơkâ kơxô̆ 11 dêi Chin phuh. Laga tơdroăng pêi hên troh nôkố ối pêi hrá, malối tơdroăng pơkâ mâu hlá mơ-éa hnê pêi, tơdjâk troh tơdroăng pêi mâu pơkâ, troăng rơhlâ pơkâ dêi tơdroăng. Ngế pro xiâm hnê ngăn tơnêi têa  pơkâ thế Khu xiâm Pơkâ ƀă ‘no liăn cheăng, Khu xiâm ngăn hnê hriâm ƀă hnê mơjiâng tuăn ngôa rơkê  ƀă mâu Khu xiâm, kơ koan hrá pêi pro klêi mâu pơkâ pơcháu tung khế 3/2022 thế ‘mâi rơnêu, ôh tá chiâng pơtối pêi hrá klêi.

Gương tơplôu [ă tơbleăng