VOV4.Xơ Đăng - Khu xiâm tơpui kâ hiăng mơnhên pôa Phạm Minh Chính, Ngế pro xiâm hnê ngăn tơnêi têa kô veăng hneăng hôp khu râ kăn xiâm ki krê xêh ASEAN – Mih tung la ngiâ ah. Klăng roh kố, Ngế pro xiâm hnê ngăn tơnêi têa kô ai mâu tơdroăng pêi cheăng pơla péa pâ a Mih. Jâ Lê Thị Thu Hằng, Ngế tơpui kâ dêi Khu xiâm tơpui kâ tơnêi têa pin tối ăm ‘nâi: ‘’Kăn xiâm pơkuâ kong têa Mih hiăng ai kơthô krếo thế Ngế pro xiâm hnê ngăn tơnêi têa ƀă khu râ kăn pơkuâ mâu kong têa ASEAN veăng hneăng hôp khu râ kăn xiâm ki krê xêh ASEAN – Mih a Washington D.C tung la ngiâ.

Pôa Phạm Minh Chính, Ngế pro xiâm hnê ngăn tơnêi têa

Mâu kong têa ASEAN môi tuăn ƀă pơkâ dêi Mih tơkŭm po hneăng hôp ƀă rêm pâ tơpui tơno mâu tơdroăng ki tơdjâk troh hneăng hôp, tung mê ai tơdroăng xiâm ‘na hâi khế tơkŭm po. Ngế pro xiâm hnê ngăn Chin phuh Việt Nam tiô tối hdrối kô veăng hneăng hôp ƀă mâu tơdroăng pêi cheăng pơla péa pâ a Mih.

A Sa Ly tơplôu ƀă tơbleăng