Péa Ngế pro xiâm hnê ngăn rơtế lăm pôu ngăn, tơmâng tơbleăng ‘na Đại Trung Môn, Khuê Văn Các, Teăng mâ Đại Thành, mâu Tíu meăn dêi Tiê̆n sih, Vạn Thế sư biểu Chu Văn An... Péa Ngế pro xiâm hnê ngăn hmâng tơdrá quan họ - môi tơdrá rơngêi ton nah ki ro dêi kơpong tơbăng kroăng Hồng, châ UNESCO mơnhên  cho tơmeăm mơhno túa lĕm tro ki kơnía git dêi kuăn mơngế.

Pôa Phạm Minh Chính hiăng tơbleăng ăm Ngế pro xiâm hnê ngăn kong têa New Zealand ‘na tơdroăng ton nah dêi Văn Miếu - Quốc Tử Giám, hngêi trung đăi hok ki apoăng dêi Việt Nam châ mơjiâng vâ chê 1.000 hơnăm hdrối. Malối, Ngế pro xiâm hnê ngăn tơnêi têa tối nhên tơdroăng vâ hriâm, nhoăm hdroâng kuăn ngo Việt Nam  đi đo hnê hriâm, hnê tơdroăng ki má môi.

Ngế pro xiâm hnê ngăn kong têa New Zaeland tối nhên tơdroăng ki iâ ƀă tơdroăng hriâm Việt Nam, tung mê, Văn Miếu - Quốc Tử Giám cho tíu ‘măn rak, nhoăm tơdroăng hnê hriâm, ối rak vế ƀă mơhno ki lĕm má môi mâu tơdroăng ki kơnía.