Kơxê lơ 23/9, pôa Phạm Minh Chính, Ngế pro xiâm hnê ngăn tơnêi têa pơkuâ Roh hôp má 14 dêi Khu hnê mơhno Tơnêi têa ‘na hbrâ mơdât tơnăng ká xi xŏng ôh tá tro luât (IUU). Klêi kơ’nâi vâ chê 8 hơnăm pêi pro, hên troăng pêi ki xiâm hiăng châ tơƀrê laga Việt Nam xuân tá hâi châ Vi ƀan châu Âu (EC) tah lôi tơbleăng ‘’Theh trĭng’’. Xiâm kối cho tơdroăng pơkuâ, séa ngăn tuk tơnăng ká xi xŏng tá hâi krá tơniăn, tơdroăng pro xôi tơnăng a kơpong têa kơxĭ kong têa ê ối ai, ki rơhêng vâ tối a mâu kong pơlê kĭng têa kơxĭ.

Ngế pro xiâm hnê ngăn tơnêi têa tối rơdêi pơkâ xiâm thâ cho tơkŭm tah lôi ‘’Theh trĭng’’, gâk kring ki loi tơngah tơnêi têa ƀă rak tơdroăng châ tơƀrê krá tơniăn. Pôa pơkâ mâu khu râ kăn pơkuâ hnê ngăn cheăng Đảng, ki má lối cho ngế ối a ko, mơdêk pơkuâ, pơhlêh ó rơdêi ing tơnăng ká xi xŏng hơngế kĭng têa kơxĭ pơhlêh păn ká xi xŏng, uâ bro ká xi xŏng achê kĭng vâ tơniăn tăng cheăng pêi, tơniăn ăm kuăn pơlê tơnăng ká xi xŏng ƀă kum mơnhông kơvâ ká xi xŏng ƀă gâk kring hnoăng pơkuâ têa kơxĭ, rơlố, mơdêk tíu cheăng Việt Nam tung lâp plâi tơnêi.