A rôh tơpui tơno, pôa Phạm Minh Chính, Ngế pro xiâm hnê ngăn tơnêi têa tối, hneăng lăm pôu dêi Ngế pro xiâm hnê ngăn kong têa Kyrgystan cho hdró tơdroăng kal, po rôh tơrŭm cheăng nếo ăm ‘na tơrŭm cheăng kâ tiah hmâ ing nah pơla Việt Nam ƀă Kyrgyzstan, troăng hơlâ mơnhông tơrŭm cheăng tung tŭm tơdroăng.

Péa Ngế pro xiâm hnê ngăn tơnêi têa tối ki kal dêi tơdroăng  pơtối rak trâm mâ tơrá mâu kăn, malối cho râ kăn xiâm, ing tâi tâng mâu ƀâng, xuân  môi tiah pơla mâu khu xiâm, kơvâ cheăng, kong pơlê tá trâm mâ pơla péa pâ a mâu hneăng hôp lâp plâi tơnêi, malối a Khu lâp kong têa; troh tơdroăng mơjiâng mâu ƀâng tơpui tơno vâ mơnhông tơƀrê  mâu tơdroăng tơhrâ tơrá mâu kăn ki hiăng châ tơpui rơhéa.

Pôa Phạm Minh Chính, Ngế pro xiâm hnê ngăn tơnêi têa tối, Việt Nam vâ pro kông tơdjêp vâ Kyrgyzstan mơnhông tơrŭm cheăng ƀă ASEAN, púi vâ Kyrgyzstan pơtối rak hnoăng cheăng tơdjêp ƀă Việt Nam ƀă tung kơpong tơdế châu Á; pơkâ thế Kyrgyzstan veăng môi tuăn tiô troăng hơlâ dêi Việt Nam ƀă ASEAN tung tơdroăng Biển Đông.