VOV4.Xơ Đăng - Kơxê lơ 26-1, pôa Phạm Minh Chính, Ngế pro xiâm hnê ngăn tơnêi têa, lăm pôu, rơkâu Têt ăm mâu kăn ƀô̆ mâu lêng Đông tơkăng kong tíu tê mơdró tơkăng kong lâp plâi tơnêi Móng Cái. Teăng mâ Kăn xiâm Đảng tơnêi têa, pôa Phạm Minh Chính pơtroh ăm tâi tâng mâu kăn ƀô̆, mâu lêng đông tơkăng kong tíu tê mơdró Mŏng Cái, mâu kơvâ cheăng a Tíu tê mơdró tơkăng kong  mo lĕm châ  trâm tơdroăng hơniâp ro.

Ngế pro xiâm hnê ngăn tơnêi têa tối nhên, Quảng Ninh cho kong pơlê ai tíu ki kal ‘na kring vế tơniăn, cheăng lêng, cho hơlâ ki tơrŭm ƀă mâu kong têa  ki kân dêi tơnêi têa. Xua mê, mâu lêng Mố đô̆i Tíu tơkăng kong ai hnoăng cheăng pêi ki  kal, veăng kring vế hnoăng pơkuâ tơnêi têa, pro tơ’lêi tung mơnhông cheăng kâ - rêh ối . ‘Na tơdroăng ki kal tung hơnăm 2022, Ngế pro xiâm hnê ngăn tơnêi têa pâ thế, mâu Mố đô̆i gak tơkăng kong hlê plĕng nhên tơdroăng pơkâ ki kal má môi cho kring gak tơniăn tíu tơkăng kong, ăm tơniăn tung lâp tơnêi têa ƀă troăng tơkăng kong tơnêi têa; kring vế tơniăn hơniâp lĕm kơpong tíu tơkăng kong vâ mơdêk tơrŭm cheăng tê mơdró ƀă mơnhông mơdêk; Ôh tá ăm châ tơdjâk tâi tâng mâu tơdroăng tơniăn, tơrŭm tơ-rôa tung tơrŭm cheăng ƀă kong têa pú hmâ. Pêi pro tro mâu tơdroăng tơpui kâ a tíu tơkăng kong, veăng mơjiâng tíu tơkăng kong hơniâp, tơrŭm ƀă mơnhông mơdêk.

Gương tơplôu ƀă tơbleăng