VOV4.Xơ Đăng - Pơtối tơdroăng lăm pôu, rơkâu Têt a kong pơlê Thanh Hóa drêng troh Têt tiô khôi hmâ hdroâng kuăn ngo - Rơnó Hơngui Nhâm Dần 2022, kơxo lơ 25/1, pôa Phạm Minh Chính, Ngế pro xiâm hnê ngăn tơnêi têa rơtế ƀă mâu kăn pêi cheăng dêi Tíu xiâm tơnêi têa hiăng lăm pôu, rơkâu Têt, tơpui tơno ƀă mâu ngế a Kâu lak bộ Hàm Rồng. Kố cho tíu tơkŭm to mâu kăn ƀô̆ hơnăm hiăng krâ kăch măng, kăn ƀô̆ kân, mâu kăn xiâm Đảng, mâu kăn lêng ki hiăng pơtê cheăng hơnăm hiăng krâ tung pơlê kong kơdrâm Thanh Hóa.

Ngế pro xiâm hnê ngăn tơnêi têa pơkâ thế kong pơlê Thanh Hóa pơtối pro tơ’lêi hlâu ăm Kâu lak ƀô̆ pêi cheăng rế tơ-ƀrê, pơtối rak vế tơdroăng hmâ pêi pro “Sông Mã khên tơnôu’’, veăng ‘no hnoăng cheăng tơchoâm dêi kong pơlê, mơjiâng kong pơlê Thanh Hóa rế ton rế mơnhông tơ-ƀrê, cho kong pơlê tiô túa ‘na rêm tơdroăng, veăng ‘no hnoăng mơjiâng tơnêi têa rơdêi, hơniâp ro, kuăn pơlê rế phâi tơtô.

Ngế pro xiâm hnê ngăn tơnêi têa pơkâ thế ki hdrối, rêm râ Đảng, mâu kăn ƀă mâu kơ koan tơmâng tŏng kum tro má môi ăm kuăn pơlê ƀă mơngế pêi cheăng tơdah Tết phiu ro, tơniăn lĕm, ‘nâi kơdĭng, pâ dêi rơpó.

Gương tơplôu ƀă tơbleăng