VOV4.Xơ Đăng -  Kơxo lơ 26/1, pôa Phạm Minh Chính, Ngế pro xiâm hnê ngăn tơnêi têa veăng leh hiăng pro klêi kông Cửa Lục 1 ƀă troăng têa kơxĭ Hạ Long - Cẩm Phả pơla rôh má 1. Tơdroăng mơjiâng châ pro sap ing hâi lơ 28/4/2020, vê hdró troăng ăm mâu rơxế kơtâu luâ, ki xŏn gá troăng mê 4.265m, tâi tâng kơxô̆ liăn ‘no mơjiâng pro 2.100 rơtal liăn.

Troăng têa kơxĭ drô kong pơlê ôh tá xê to tơdjêp 2 pơlê kong kơdrâm dêi kong pơlê Hạ Long - Cảm Phả, mê ối tơdjêp 2 tơmeăm khoăng ki lĕm Ving Hạ Long - Bái Tử Long pro tơ’lêi hlâu tung prôk lăm, tơniăn ăm kuăn pơlê. hlối veăng tí tăng xúa tơtro mâu tơmeăm khoăng ‘na tơnêi tung kơpong ki tơkâ luâ, pro tơ’lêi vâ mơnhông tê mơdró, ôm hyô, tê mơdró mâu tơmeăm a hên kơno tuk ƀă tung kơphô̆ ki prôk tiô troăng.

Tơbleăng a hâi leh pro kêi, pôa Phạm Minh Chính tối nhên, tơmeăm khoăng mơjiâng pro cho tơmeăm khoăng ki xiâm dêi kong pơlê Quảng Ninh hiăng ƀă dế mơ-eăm tơbleăng mơhno ki tơ-ƀrê dêi kong pơlê tung pêi tơ-ƀrê mâu tơdroăng mơnhông pro troăng prôk tơdrêng tâi tâng, pro lĕm tiô túa nếo, tơniăn lĕm tâi, mơdêk tơrŭm tung kơpong.

Gương tơplôu ƀă tơbleăng