Pêi cheăng ƀă Khu pơkuâ cheăng Đảng kong pơlê Vĩnh Phúc, Ngế pro xiâm hnê ngăn tơnêi têa tơtrŏng kong pơlê kal mơjiâng tơdroăng, pơkâ rak tơniăn pơkâ tơtêk lối 8% tung hơnăm 2025 ƀă tơtêk 2 kơxô̆ tung mâu hơnăm pơtối; thăm pêi pro, hbrâ kơdroh ki vâ iâ má môi 30% pro mơ-éa nôkố, pro tơ’lêi hlâu ăm kuăn pơlê, khu tê mơdró pêi cheăng; mơdêk tâ mê nếo tơdroăng mơjiâng hngêi ối pơlê pơla; xo tâi tâng kơxô̆ liăn vâ mơjiâng pro hngêi trăng troăng klông.

Xuân tung hâi lơ 16/3, pôa Phạm Minh Chính, Ngế pro xiâm hnê ngăn tơnêi têa veăng leh pơxiâm mơjiâng pro hngêi ối pơlê pơla ƀă lối 5.300 toăng hngêi, tâi tâng kơxô̆ liăn mơ’no lối 7.000 rơtal liăn. Rơtế hâi mê, Ngế pro xiâm hnê ngăn tơnêi têa veăng leh pơxiâm mơjiâng pro ƀă mơhnhôk tơdroăng tơ’noăng mơjiâng tơdroăng tơkêa bro troăng kơxái on tơhrik 500 kV Lào Cai – Vĩnh Yên, ƀă ki xŏn vâ chê 230 km, tâi tâng kơxô̆ liăn mơ’no lối 7.410 rơtal liăn.