Tung 7 khế apoăng hơnăm 2023, tơdroăng cheăng kâ – rêh ối pơlê pơla kong pơlê Bắc Ninh châ tơƀrê hên, pêt mơjiâng tơmeăm khoăng tơniăn lĕm, tâi tâng kơlo tê ‘ngré tơmeăm khoăng ƀă tê mơdró châ vâ chê 54 rơpâu rơtal liăn, kơxô̆ liăn mơ’no tơdrêng a kong têa ê kĭ nếo châ 770 rơtuh dollars, tâk 4,6 xôh tâng pơchông ƀă roh hdrối nah.

Pôa Phạm Minh Chính kheăn kơdeăn tơdroăng mơ-eăm ƀă tơdroăng châ tơƀrê dêi Đảng ƀô̆, khu râ kăn pơkuâ, khu lêng ƀă kuăn pơlê kong pơlê Bắc Ninh, kum kal khât tung tơdroăng châ tơƀrê tơdjuôm dêi lâp tơnêi. Tung la ngiâ ah, Ngế pro xiâm hnê ngăn tơnêi têa pơkâ thế, kong pơlê Bắc Ninh mơhnhôk hơ’lêh nếo tơmiât pêi rơkê, pơxiâm tăng cheăng pêi, mơdêk khu tê mơdró. Thăm pêi pro rơdêi tơdroăng tê rôe ngi kong têa ê tơmeăm khoăng ; tơtrŏng mơnhông pêi chiâk deăng xúa kŏng ngê̆ rơxông nếo, hơ’lêh troăng tơmiât tung pêt mơjiâng tơmeăm pêi lo ing chiâk deăng troh cheăng kâ pêi chiâk deăng, mơnhông kơchơ mơdró tơmeăm pêi lo ing chiâk deăng tung tơnêi têa ƀă kong têa ê.

Kong pơlê kal mơnhông ó rơdêi khôi túa mơnhông kăch măng, khôi túa lĕm tro, rŭm môi tuăn, mơ-eăm rơdêi ƀă ivá tung châ tơná, ôh tá tơkôm, kơnôm, tơngah veăng kum mơjiâng tơdroăng cheăng kâ tơniăn krê, pơkuâ xêh.