Pro tơ’lêi hlâu ăm Quảng Ngãi mơnhông mơdêk, pêi kêi đeăng má môi mâu pơkâ mơ’no ăm plâ hneăng 2020 – 2025. Xông tơpui a roh pêi cheăng, pôa Phạm Minh Chính, Ngế pro xiâm hnê ngăn tơnêi têa hiăng tối nhên 8 hnoăng cheăng, troăng pêi ki xiâm tung mê tối nhên: Pêi pro Pơkâ 18 ‘na rah xo bro lế lĕm khu râ kăn pêi cheăng tơnêi têa ăm iâ tro mơngế pêi cheăng châ tơƀrê, rơtế ƀă mê hbrâ mơngế pêi cheăng ăm tro, ƀă tơkŭm po lĕm Hneăng hôp mâu râ, tơniăn thế klêi tung khế 2 vâ khế 3 ăm pêi cheăng; Tơkŭm pêi pro Pơkâ 57 mơdêk xúa kŏng ngê̆ kơxô̆, ƀă pơhlêh xúa kŏng ngê̆ ƀă pêi pro Tơdroăng tơkêa bro 06.

Tơkŭm mơjiâng Đảng krúa lĕm krá rơdêi, mâu kơ koan pơkuâ tơnêi têa tơrŭm, môi tuăn sap apoăng troh tui lui, tơdrăng lĕm, kuăn pơlê pơkuâ dêi hnoăng cheăng, pêi cheăng, châ tơƀrê; tơkŭm po lĕm Hneăng hôp Đảng mâu râ, tơmiât troh Hneăng hôp Đảng roh má XIV.