Ngế pro xiâm hnê ngăn tơnêi têa tối tiah kố, hngêi rak liăn cho ki xiâm dêi tơdroăng cheăng kâ, troăng xiâm ki ôh tá tơbleăng mê troăng liăn ngân ôh tá tro, troăng liăn ngân ôh tá tro kô tơdjâk troh tơdroăng tơniăn cheăng kâ kân, troh tơdroăng ki mơnhông.

Hơnăm 2025 cho hơnăm ai pơxúa kal khât, cho hơnăm mơdêk, athế mơ-eăm mơnhông GDP châ iâ hlái cho 8%. Ngế pro xiâm hnê ngăn tơnêi têa pơtối mơdêk mâu ivá mơnhông tiô ton cho tê tơmeăm ngi kong têa ê, xúa ƀă ‘no liăn cheăng; pơkâ thế mâu kơ koan tíu pêi cheăng tơkŭm hriăn ngăn tơ’nôm mâu kơxô̆ liăn tŏng gum ăm mung ƀă mâu ngế hơnăm ối nếo dế kal hngêi ối. Ƀă túa pơkâ: liăn ngân cho pơxiâm ing túa tơmiât ƀă troăng ngăn, ivá pơxiâm ing tơdroăng ki pơhlêh nếo ƀă tơmiât rơkê, ivá rơdêi pơxiâm ing kuăn pơlê ƀă khu mơdró kâ, Ngế pro xiâm hnê ngăn tơnêi têa xo ivá cho hngêi rak liăn vâ mơnhông, tăng ki ai hlâu phá, rôh tơ’lêi, ki pơxúa rơdêi, pro ivá nếo tung mơnhông tơnêi têa.