A rôh pêi cheăng, pái Ngế pro xiâm hnê ngăn tơnêi têa hiăng rơtế ƀă dêi rơpó tơpui tơno ‘na mâu kơvâ tơrŭm cheăng tơdjuôm ƀă mâu tơdroăng a kong têa ê, tung kơpong ki pái pâ rơtế vâ ‘nâi; tối pái to kong têa pơrá dế mơ-eăm tơkâ luâ pơloăng mơnúa ‘na gâk kring, kal kí ƀă mơnhông cheăng kâ pơlê pơla xua mâu tơdroăng pơhlêh dêi lâp plâi tơnêi ƀă kơpong; tơmâng xo tơrŭm cheăng pơla péa pâ ƀă pơla pái to tơnêi têa tung pơla hdrối nah ai mâu tơdroăng mơnhông ai pơxúa khât.

Pái Ngế pro xiâm hnê ngăn kong têa môi tuăn tăng ‘nâi ing dêi rơpó ‘na mâu tơdroăng a kong têa ê, tung kơpong ki vâi rơtế vâ ‘nâi; mâu tơdroăng ki ai tơdjâk troh tơrŭm cheăng pơla péa pâ ƀă pơla pái pâ; tơrŭm hbrâ rơnáu tơniăn lĕm ăm mâu tơdroăng tơkŭm po ki kân a rêm to kong têa tung la ngiâ.