Teăng mâ Chin phuh, Ngế pro xiâm hnê ngăn tơnêi têa kheăn kơdeăn, mơnhên mâu tơdroăng châ tơƀrê tơdroăng pêi cheăng dêi kơvâ hngêi arak liăn tung hơnăm hiăng hluâ. Tối nhên, hơnăm 2025, ai kơnâ phá tơ-ê, ƀă hên hnoăng cheăng ki kal: tơtêk, châ tơƀrê hluâ pơkâ kêi đeăng mâu pơkâ mơnhông cheăng kâ - rêh ối pơlê pơla hneăng hơnăm 2021 – 2025.

Ngế pro xiâm hnê ngăn tơnêi têa pơkâ thế kơvâ hngêi arak liăn mơdêk xúa kŏng ngê̆, pơhlêh xúa kŏng ngê̆, kơdroh kơxô̆ liăn vâ kơdroh liăn tơkâ ăm mung liăn; tơkŭm ăm mung liăn ăm mâu kơvâ cheăng, tơdroăng kơjo môi tiah Tơdroăng mơjiâng hngêi ối pơlê pơla, Tơdroăng xut tah hngêi pơtân, hngêi xi kơchoh; tơmiât troh tơdroăng ăm mung liăn tung tơdroăng pêi nếo mâu ivá tơtêk tiô khôi vâi krâ nah cho mơ’no liăn cheăng, tê ngi kong têa ê, xúa tơmeăm; pêi lĕm tro tâ mê nếo tơdroăng pơtâng tối troăng hơlâ; kêi pơkâ pêi, tơniăn tơdâng tơ’mô ƀă mơjiâng tíu mơnhông ăm kuăn pơlê, khu tê mơdró.