VOV4.Xơ Đăng - Kơxo lơ 14/2, Khu xiâm hnê mơhno Tơnêi têa mơgêi Pơkâ kơxô̆ 19-NQ/TW dêi Hneăng hôp roh má tơdrốu Khu xiâm pơkuâ hnê ngăn Đảng hneăng má XI ‘na pơtối pơ’lêh nếo troăng hơlâ, luât ‘na tơnêi tơníu tung rơxông thăm pêi pro ó rơdêi tŭm têk tơdroăng pơ’lêh nếo. Pôa Phạm Minh Chính, Kăn cheăng tung Khu xiâm kal kí, Ngế pro xiâm hnê ngăn Chin phuh, Kăn pơkuâ Khu hnê mơhno tơnêi têa mơgêi tơdroăng pơkâ kơxô̆ 19-NQ/TW pơkuâ hneăng hôp.

Pôa Phạm Minh Chính, Ngế pro xiâm hnê ngăn tơnêi têa pơkuâ Hneăng hôp roh má 4 Khu xiâm hnê mơhno tơnêi têa mơgêi tơdroăng pơkâ kơxô̆ 19 –NQ/TW

Klêi kơ’nâi tơmâng mâu rơkong tơpui tối, xông tơpui mơgêi, pôa Phạm Minh Chính tối rơdêi mâu pơkâ ki xiâm cho tơdroăng ‘mâi rơnêu luât tơnêi tơníu tơniăn tơdâng tơ’mô ƀă mâu luât ai tơdjâk, tơtro ƀă mâu pơkâ kal kí dêi Việt Nam. ‘Na hnoăng cheăng pơtối, Ngế pro xiâm hnê ngăn tơnêi têa pơkâ Khu hnê mơhno má môi Khu hnê mơhno Tôh rah chêh ƀă mâu kơ koan ai tơdjâk thâ tơmâng xo mâu rơkong tơpui hnê tối dêi mâu khu cheăng dêi Khu hnê mơhno, mâu khu cheăng, khu xiâm, kơvâ cheăng, kơ koan Tơnêi têa ƀă mâu kong pơlê, mâu ngế rơkê, mâu ngế cheăng khoa hok, môi tuăn pêi kêi đeăng mâu tơdroăng tơbleăng, tơdroăng chêh hbrâ hdrối, tơbleăng ăm khu râ kăn ai hnoăng tung môi pơla rĕng má môi tơniăn tơdroăng, châ tơƀrê hôm.

A Sa Ly tơplôu ƀă tơbleăng