VOV4. Xơ Đăng - Kơxo lơ  2/3, a tíu pêi cheăng xiâm Chin phuh, pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp mơ’no tơdrêng tung lâp tơnêi têa ‘na mơdêk mơjiâng pơkâ ƀă veăng pêi mâu tơdroăng ‘na troăng rơhlâ pơkâ tâi tâng dêi tơnêi têa tung hơnăm 2021-2030, hvái ngăn troh hơnăm 2050. Tơpui a hâi pơxiâm po hneăng hôp, pôa Phạm Minh Chính, tối nhên, kơ’nâi vâ chê 1 hơnăm pêi pro tơdroăng cheăng dêi Chin phuh, kố cho rôh  má péatơkŭm po hnôp tơpui tơno ‘na mơdêk, séa ngăn mâu pơkâ tiô luât pơkâ châ pơkâ pêi.

Pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp tung lâp tơnêi têa ‘na mơdêk pơkâ tâi tâng dêi tơnêi têa

Riên ing rôh hôp hdrối nah troh nôkố, Chin phuh hiăng pêi mâu tơdroăng, laga, tơdroăng mơjiâng, séa mơnhên ngăn ƀă kĭ pơkâ ối hrá tâng vâ pơchông ƀă tơdroăng pơkâ. Tiô tối tơbleăng tâi tâng troh nôkố nếo mơjiâng vâ chê 10% tơdroăng pơkâ kal thế mơjiâng tung lâp tơnêi têa. Ngế pro xiâm hnê ngăn tơnêi têa pơkâ thế tơkŭm tối nhên tơdroăng, tơpui tơno, tơmâng xo hnê tối ‘na pơkâ tâi tâng dêi tơnêi têa hơnăm 2021-2030, hvái ngăn troh hơnăm 2050. Pơtối séa ngăn, tối mâu tơdroăng tơvâ tơvân, mâu tơdroăng hâi pêi pro, ai mâu tơdroăng ki xiâm tơdjâk troh luât pơkâ há lơ ôh vâ Chin phuh pơtối ‘mâi pơ’lêh, tơ’nôm.

Gương tơplôu ƀă tơbleăng