A  rôh hôp, pôa Phạm Minh Chính - Ngế pro xiâm hnê ngăn tơnêi têa  pơkâ thế  tơkŭm khât a mâu tơdroăng ki xiâm vâ tŏng kum mơngế, rak ngăn pơlât mâu ki tro rong, tăng ‘nâi plĕng mâu tơdroăng, kơpong tro klâ krê vâ ‘nâi tơdroăng tŏng kum kuăn pơlê. Ngế pro xiâm hnê ngăn tơnêi têa thế séa ngăn tơdrăng, tối vâ ’nâi mâu tơdroăng, pơtroh mâu ngế lăm troh tŏng gum, mơhnhôk tăng hên ngế vâ lăm troh a kơpong, kal kum, kơjo kum.

Ngế pro xiâm hnê ngăn tơnêi têa pơkâ thế Khu xiâm ngăn liăn ngân xo phái ăm mâu kong pơlê; ki hdrối kơjo kum kong pơlê Lâm Đồng 200 rơtal liăn, kong pơlê Khánh Hoà 200 rơtal liăn; kong pơlê Dak Lak ƀă Gia Lai rêm kong pơlê 150 rơtal liăn xoăng ăm mâu kong pơlê.  

Ngế pro xiâm hnê ngăn tơnêi têa pơcháu hlối tung kơxo hâi lơ 21/11, pôa Lê Thành Long, Phŏ Ngế pro xiâm hnê ngăn tơnêi têa prôk hlối kĕn kong pơlê Gia Lai, pôa Hồ Đức Phớc - Phŏ Ngế pro xiâm hnê ngăn tơnêi têa lăm troh hlối a kong pơlê Dak Lak, pôa Hồ Quốc Dũng - Phŏ Ngế pro xiâm hnê ngăn tơnêi têa lăm troh hlối a kong pơlê Lâm Đồng vâ hnê mơhno tơdroăng hbrâ, mơdât xía vâ, tơkâ luâ xah pá  xua kong prâi ôh tá tơniăn; ki kal má môi cho tŏng kum mơngế.