Klêi tơmâng hnê tối,  tơbleăng a rôh hôp, pôa Phạm Minh Chính ăm ‘nâi, a peăng kơnhóng, mâu kơpong mơhnhôk mơdêk pêi lo tơmeăm a tơbăng kroăng Hồng, nôkố ai 1 tơraih tơƀai ki kân tơraih tơƀai Nội Bài nôkố hiăng hâ ho. Pơkâ thế pro tơraih ki xúa péa toăng, hlối pơxúa kring tơniăn ‘na lêng, hlối pơxúa ‘na mơnhông cheăng kâ pơlê pơla, kơdroh ki hâ ho ăm tơraih tơƀai Nội Bài.

Ngế pro xiâm hnê ngăn tơnêi têa tối nhên, pơla hdrôi ko nah hiăng ăm xúa rôh má 1 tơriah tơƀai Gia Bình, Bắc Ninh la vâ kơdĭng hâi hnoăng, mơngế thế pơkâ pro tơriah tơƀai lâp plâi tơnêi râ ki kân vâ ai tiô tơdroăng kal vâ mơnhông tơƀrê, kring tơniăn ‘na lêng. Xua mê, kal tăng ‘nâi plĕng teăm tơdrêng po rơdâ ƀă tơbleăng roh má 2 tung pơla dế mơjiâng pro rôh má 1, ví mơdoh chôu, hnoăng pêi, liăn, mơngế pêi. Ngế pro xiâm hnê ngăn tơnêi têa pơkâ thế tăng ngăn troăng vâ prôk ƀă troăng hơlâ ki vâ  tơdjêp ƀă pơlê kong xiâm Hà Nội tơdroăng pơkâ pêi thế tơdjêk rĕng, tơdrăng, tơƀrê má môi.