Ngế pro xiâm hnê ngăn tơnêi têa tối nhên, hơnăm 2025, Chin phuh kô pơcháu tơdroăng pơkâ thăm mơnhông tâi tâng mâu kong pơlê, khu xiâm kơvâ cheăng ki ai tơdjâk troh, mâu khu mơdró kâ tơnêi têa. Tiô Ngế pro xiâm hnê ngăn tơnêi têa, tâng hmếo pơ mơnhông tơdâng mê ôh tá châ tơbrê 2 tơdroăng pơkâ mơnhông 100 hơnăm.

Vâ tiah mê hơnăm 2025 athế pêi châ mơdêk iâ hlái 8% GDP vâ pro ivá, pro tơdroăng hâk vâ ăm mâu hơnăm ki pơtối châ tâk 2 kơxô̆ ƀă tơdroăng kố kal ivá veăng gum dêi mâu khu mơdró kâ, malối cho mâu khu mơdró kâ ngăn kô chiâng pêi klâi mê chêh inâi pêi ƀă pơkâ troăng hơlâ tŏng gum vâ pêi, la pôi ai tơdroăng ki pro pơxúa ăm tơná, hbrâ mơdât kâ kơluâ, kâ kơhveăm.

Ngế pro xiâm hnê ngăn Chin phuh rơhêng vâ kăn pơkuâ mâu khu mơdró kâ sap ing tơdroăng ki ai khât, tơdroăng ki rơkê, ƀlêi chiâng, ƀă tơdroăng ki hâk vâ, kơhnâ, tá hiâm mơno pleăng, khên tơnôu veăng gum rơkong veăng tơpui ƀă tuăn mơno tơdrăng, tâi tâng xua tơdroăng ki mơnhông dêi tơnêi têa, xua tơdroăng ki phâi hơtôu hơniâp ro dêi kuăn pơlê.