Ngế pro xiâm hnê ngăn tơnêi têa tối nhên, hnoăng cheăng hbrâ mơdât mơhrê liăn ngân đi đo châ Đảng, Tơnêi têa tơmâng ngăn khât ƀă malối cho tung pơla nôkố tơnêi têa dế ối a rôh ki tơ’lêi hlâu vâ mot tung chal ki mơ-eăm dêi tơná dêi hdroâng mơngế. Chin phuh hiăng mơjiâng Khu hnê mơhno hbrâ mơdât pro mơhrê liăn ngân ƀă mâu tơdroăng mê cho ngế ki pơkuâ tâi tâng mâu khu xiâm, kơ koan tơdâng Khu xiâm vâ pơkâ tơleăng, pơxâu phâk khât hlối mâu tơdroăng ki xơpá pro mơhrê liăn ngân, mâu kơxô̆ liăn dêi tơdroăng cheăng kâ, pro chiâng tơdroăng pơhlêh nếo, ai ivá tơdjâk rơdêi ƀă hnoăng cheăng kố.

Ngế pro xiâm hnê ngăn tơnêi têa tối nhên, rôh hôp apoăng kố vâ rơtế ƀă dêi rơpó séa ngăn mâu tơdroăng cheăng hiăng tơbleăng, mâu tơdroăng ki pêi pro châ tơƀrê, xơpá, ối hro ƀă xiâm kối, xo vế mâu ƀai hriâm ki rơkê vâ pro tíu vâ pơkâ mơ’no mâu hnoăng cheăng, troăng hơlâ pêi pro ăm la ngiâ; malối cho tơdroăng ki tŏng gum xơpá