Pôa Phạm Minh Chính, Ngế pro xiâm hnê ngăn tơnêi têa tối nhên ki xiâm, khŏm mơ-eăm hnê tối mơdât ƀă tơdroăng ki tơnăng ká xi xŏng ôh tá tro luât, ôh tá tơbleăng tối ƀă ôh tá pêi tiô tơdroăng pơkâ (IUU) xua kố cho tơdroăng ki loi tơngah dêi Đảng, Tơnêi têa ƀă kuăn pơlê tung mâu kong têa lâp plâi tơnêi.

Xua mê, ôh ti chiâng lôi ƀă pôi tá pro ton. Tung la ngiâ ah drêng Khu kăn ki pêi dêi hnoăng cheăng rôh má 5 dêi EC lăm pôu ôh ti ton xếo, Ngế pro xiâm hnê ngăn tơnêi têa athế pêi pro khât, ôh tá pêi tiô tơdroăng ki mơhno ăm hlo pa gong, pôi tá ví dêi hnoăng cheăng pôu râng, tơdroăng pơkâ pêi cho khŏm mơ-eăm hnê tối mơdât tơdroăng ki tơnăng ká xi xŏng IUU, tah lôi “Theh trĭng” IUU vâ rak tơdroăng ki lĕm tro ăm tơnêi têa, xua tơdroăng mơnhông cheăng tơnăng ká xi xŏng krá tơniăn, xua tơdroăng rêh ối lĕm tro dêi kuăn pơlê; athế pêi tiô tơdroăng ki ăm vâi hâk tơngăm, ăm vâi loi dêi tơnêi têa, xua hnoăng pơxúa tơxâng, tro luât dêi kuăn pơlê, xua tơdroăng ki mơnhông, tơdâng tơ’mô, tơdâng.