Rơtế veăng ai pôa Jose Ramos-Horta, Kăn xiâm pơkuâ Kŏng hoa Yân chưh Timor, kăn pơkuâ mâu kong têa ASEAN, mâu khu tơrŭm lâp plâi tơnêi. Hôp tơpui tơno tung la ngiâ ASEAN hơnăm 2025 ƀă dó inâi ‘’Mơjiâng ASEAN tơrŭm môi tuăn, tâi tâng, ƀă rơdêi tung môi plâi tơnêi ai hên tơdroăng ki pơhlêh kân’’ vâ rơtế tối mâu tơdroăng tơmiât ƀă pói vâ ‘na tơdroăng la ngiâ dêi pơlê pơla ASEAN.

Xông tơpui a hôp tơpui tơno pôa Phạm Minh Chính, Ngế pro xiâm hnê ngăn tơnêi têa tối rơdêi, lâp plâi tơnêi ƀă kơpong châu Á – Thái Bình Dương dế châ ngăn mâu tơdroăng pơhlêh trâu hơngế ƀă mâu pơloăng mơnúa ƀă roh tơ’lêi hlâu pơtó dêi pó. Mâu tơdroăng ki lâp plâi tơnêi, tâi tâng kuăn pơlê, tŭm tâi tâng tơdroăng rĕng tâ, pá tâ, ôh tá ‘nâi tối hdrối.

Pôa Phạm Minh Chính, Ngế pro xiâm hnê ngăn tơnêi têa tối nhên, mot tung hneăng mơnhông nếo, ASEAN châ tối hdrối kô chiâng tơdroăng cheăng kâ kân má pái lâp plâi tơnêi GDP tơkâ hluâ 10 rơpâu rơtal dollars, ai kơchơ ki xúa lối 80 rơtuh kuăn pơlê; tơdrêng amê kô cho tíu xiâm kŏng ngê̆, cheăng kâ xúa kŏng ngê̆ ƀă pơhlêh nếo tơmiât pêi rơkê, ƀă tơdroăng cheăng kâ xúa kŏng ngê̆ tiô tối hdrối châ 1000 rơtal dollars a hơnăm 2030.