A troăng kân kĭng têa kơxĭ Dung Quât - Sa Huỳnh pơla troăng tơkâ luâ kong pơlê Quảng Ngãi, pôa Phạm Minh Chính hiăng lăm pôu kuăn pơlê a tíu kố, hbru tơmeăm ăm kŏng nhân ki pro troăng a kŏng trường, hlối tơmâng tối tơbleăng tơdroăng pêi pro tơkêa bro. Tiô tối tơbleăng. Tơdroăng tơkêa pro troăng kân kĭng têa kơxĭ Dung Quất - Sa Huỳnh tâi tâng xŏn dâng 125km; tíu ki tơdjêp ƀă tíu ki mơ’nui dêi troăng kĭng têa kơxĭ dêi kong pơlê Quảng Nam (troăng ‘na ngiâ tơraih tơ ƀai Chu Lai) ƀă tíu mơ’nui tơdjêp ƀă troăng kĭng têa kơxĭ kong pơlê Bình Định a  Km125+645.

Pơtối mê, Ngế pro xiâm hnê ngăn tơnêi têa hiăng troh lăm séa ngăn ƀă hlối hbru tơmeăm ăm kŏng nhân ƀă hlối hmâng tối tơbleăng tơdroăng tơkêa bro dêi tơdroăng tơkêa bro ‘no liăn pro troăng kân tơdrăng Peăng Kơnhŏng- Peăng Hdroh, pơla troăng Quảng Ngãi - Hoài Nhơn. Hdrối mê, pôa Phạm Minh Chính, Ngế pro xiâm hnê ngăn tơnêi têa séa ngăn tơdroăng xut tah hngêi xi pơtân xi kơchoh a tơring Mộ Đức, kong pơlê Quảng Ngãi, lăm pôu ngăn rơpŏng hngêi pôa Trần Trung Kiên a cheăm Đức Chánh.