Tơdroăng tơkêa pro tơtraih tơ ƀai lâp plâi tơnêi Phú Quốc, Ngế pro xiâm hnê ngăn tơnêi têa tối nhên, kố cho tơmeăm khoăng ki kal dêi tơnêi têa, thế mâu tíu mơjiâng pro tro tơdroăng pơkâ, pêi tơniăn krá lĕm, tơniăn tŭm tơdroăng ƀă hlối lĕm mơnâ mâ ngăn. Ƀă tơdroăng xiâm vâ “ôh tá mơ’nhiê liăn 1 hâi, ôh tá hrá 1 măng tĭng, ôh tá mơhía rôh ki tơ’lêi mơjiâng pro 1 khế”, Ngế pro xiâm hnê ngăn tơnêi têa pơkâ thế, rĕng pro, tăng liăn ngân tiô troăng hơlâ ai pơkâ “rế kơtâu rế pơtăng”.

Rôh kố, Ngế pro xiâm hnê ngăn tơnêi têa  veăng leh pơxiâm pro Khu kơphô̆ tơdjuôm Bãi Đất Đỏ ƀă Khu kơphô̆ tơdjuôm ‘na ôm hyô ngăn nhâ loăng, kuăn kiâ Núi Ông Quán, tiô tối hdrối tơ’nôm dâng 12.000 to veăng pơtê ối, hngêi pơtê ăm mơngế vâ rôe ƀă hngêi pro vâ mơdró tơmeăm, veăng pro tơniăn ai tíu koi ối pơtê lĕm má môi  dêi hneăng Hôp APEC.