Khĕn kơdeăn mâu tơdroăng tơkêa bro dêi Grup, pôa Phạm Minh Chính Ngế pro xiâm hnê ngăn tơnêi têa tối loi khât mâu tơdroăng tơkêa bro kố veăng ‘no hnoăng mơnhông tung kơvâ Logistics dêi Việt Nam. xuân môi tiah tơrŭm cheăng pơla Việt nam ƀă Nhuk. Peăng tơná, pôa Phạm Minh Chính, Ngế pro xiâm hnê ngăn tơnêi têa pơkâ thế Grup Yamato Holdings ‘no liăn cheăng ‘na mâu kơvâ xúa khoa hok kŏng ngê̆, pơhlêh nếo hriăn plĕng ki nếo, pơhlêh kơxô̆, pơhlêh ngiêt, tăng mơngế cheăng kơvâ vế rơxế kơtâu chơ tơmeăm, ‘no liăn mơnhông pro mâu tíu pêi cheăng Logistics, liăn ngân, ƀaoh hiêm, kŏng ngê̆ thông tin; tơrŭm, kơjo liăn pơ’lêh kŏng ngê̆ ƀă tơrŭm cheăng dêi Việt Nam, gum Việt Nam veăng  trâu tâ a tơdroăng mung rôe tơmeăm dêi tung kơpong ƀă lâp plâi tơnêi.

Tơpui tơno ƀă Ngế pro xiâm hnê ngăn tơnêi têa ‘na tơmeăm khoăng ai hlâu ƀă ki rơdêi dêi Grup, pôa Nagao Yutaka ăm ‘nâi, grup kô hnê mơngế pêi cheăng, xúa kŏng ngê̆ pơ’lêh kơxô̆, khoa hok chêh ‘măn mâu tơdroăng kal, tuăn ngôa rơkê ƀă mơnhông kơvâ rơxê kơtâu chơ tơmeăm, Logistic a Việt Nam.