VOV4.Xơ Đăng - Kơxê lơ 10/3, pôa Phạm Minh Chính, Ngế pro xiâm hnê ngăn tơnêi têa tơdah jâ Deborah Paul, Kăn teăng mâ Canada troh koh pơlâng. A rôh tơdah, pôa Phạm Minh Chính rơkâu kơ jâ Kăn teăng mâ mơgêi tơniăn lĕm hneăng cheăng a Việt Nam, mơnhên tối khât mâu ivá veăng kum kơhnâ dêi Kăn teăng mâ hiăng mơdêk tơrŭm cheăng ƀă kong têa tung tâi tâng mâu kơvâ cheăng pơla Việt Nam – Canada mơnhông rế hía rế tơƀrê, ai pơxúa tung tâi tâng mâu kơvâ cheăng. Hơnăm 2021, kơxô̆ liăn pêi lo ing tê mơdró pơla péa pâ châ lối 6 rơtal dollars, tâk 19% tâng pơchông ƀă hơnăm 2020.

Ngế pro xiâm hnê ngăn tơnêi têa mơnê Chin phuh ƀă kuăn pơlê Canada hiăng kum vaccine ăm Việt Nam ing tơdroăng COVAX, kum Việt Nam hmâ tơniăn, rơkê, kâi  hbrâ mơdât tơƀrê pơreăng, loi tơngah lôu péa ƀă ‘mâi mơnhông cheăng kâ rêh ối pơlê pơla. Ngế pro xiâm hnê ngăn tơnêi têa péa tơnêi têa pơtối mơdêk tơrŭm cheăng, malối cho tung kơvâ cheăng kâ rêh ối pơlê pơla – tê mơdró – ‘no liăn cheăng, hbrâ mơdât ƀă pơreăng ƀă tơdroăng ki kong prâi pro hơ’lêh, mơdêk tơdroăng ngiât, krá tơniăn, hnê mâu ngế pêi cheăng rơkê plĕng ƀă hên ki ê.

Katarina Nga tơplôu ƀă tơbleăng