Drêng rôh veăng hôp a Rôh hôp khu râ kăn xiâm BRICS po rơdâ ƀă pêi pro mâu tơdroăng cheăng pơla péa pâ a Brazil, Pôa Phạm Minh Chính, Ngế pro xiâm hnê ngăn tơnêi têa ăm ‘nâi, Việt Nam dế mơdêk tê mơdró, ‘no liăn cheăng ƀă Brazil, xua mê phiu ro khât mâu grup pơkuâ, khu mơdró kâ Brazil mơdêk tơrŭm cheăng kố mơnhông. Ngế pro xiâm hnê ngăn tơnêi têa púi rơhêng vâ mâu khu mơdró kâ ai rơkong tơpui mơdêk Việt Nam kĭ tơkêa FTA ƀă khu MERCOSUR ƀă Tơkêa xơpá rak vế ‘no liăn pêi cheăng.

Tơdrêng amê hlối rơhêng vâ Kŏng ti pơtối tơdjêp mâu khu mơdró kâ Việt Nam ƀă mâu khu mơdró kâ Brazil. Ngế pro xiâm hnê ngăn tơnêi têa tối rơdêi, tơdroăng ki Kŏng ti Fujikura Quail Genetics tơrŭm ƀă Kŏng ti Trọng Khôi pro pơxúa ăm tá péa pâ xua Koưng ti Trọng Khôi ai ivá rơdêi ‘na gen ƀă kô kơmăi kơmok păn tơmeăm khoăng, tung la ngiâ, 2 khu mơdrón kâ kô ai tíu tơlo liăn a tá péa tơnêi têa, pro pơxúa hên tâ.