Tơdroăng tối ‘na Kăn xiâm pơkuâ lêng Pơtáu Kul ‘na troăng rơhlâ tơpui kâ ƀă luât pơkâ cheăng lêng “4 ôh” dêi Việt Nam, pôa Phạm Minh Chính, ngế pro xiâm hnê ngăn tơnêi têa tối, Việt Nam đi đo nhoăm ƀă pêi ahdrối tơdroăng ôh tá pơtê ‘mâi mơnhông ƀă tơrŭm mơnhông mơdêk tơrŭm cheăng mâu kong têa achê tơniăn lĕm, tơrŭm tiah hmâ tiah ton nah, tơrŭm tung tŭm tơdroăng, krá tơniăn ton hơnăm ƀă Kul.

Klêi mê, môi tuăn ƀă Kul rak vế tơniăn, pơkuâ dêi, hơniâp lĕm, mơnhông tơƀrê ƀă kro mơdrŏng ƀă rế ai hnoăng veăng ‘no kân tâ nếo a tơdroăng cheăng lâp plâi tơnêi. Ngế pơkuâ Chin phuh Việt Nam púi vâ Tơrŭm cheăng lêng pơla péa tơnêi têa thế pêi pro ahdrối tung rak tơniăn, mơdêk tơrŭm tơniăn lĕm pơla Việt Nam - Kul.

Tung mê ai hnê mơngế pêi cheăng; pơtối mơdêk tơpui tơno tối ăm dêi rơpó ‘nâi mâu tơdroăng; mơdêk hnê thế tơrŭm môi tuăn pơla mâu lêng dêi péa tơnêi têa; tơleăng mơnhên klêi tơniăn mâu tơdroăng ki ối hâi pê klêi ƀă ki nếo ‘nâi ing mâu pơlê cheăm kong pơlê. Mơdât tơdroăng ki kơneăm, ki pro chiâng tơklâ tơdroăng tơrŭm pơla Việt Nam - Kul - Lếo.