VOV4.Xơ Đăng - Kơxê lơ 8/3, pôa Phạm Minh Chính, Ngế pro xiâm hnê ngăn tơnêi têa hiăng tơdah khu tê mơdró Hô̆i đong tê mơdró kong têa Mih – ASEAN dó inâi USABC. A roh tơdah, Ngế pro xiâm hnê ngăn tơnêi têa tối ăm ‘nâi, Việt Nam đi đo nhuô̆m ƀă pói vâ pơtối pêi trâu hơngế tâ, mơnhông mơdêk tơrŭm cheăng tŭm têk Việt Nam – Mih to a ‘ngêi tâ, mơnhông mơdêk tơrŭm cheăng tŭm têk Việt Nam – Mih to ki păng ‘nâng ƀă châ tơƀrê, tung mê, tơrŭm cheăng kâ – tê mơdró – mơ’no liăn cheăng cho xiâm kối mơhnhôk ó rơdêi tung tơrŭm cheăng péa tơnêi têa. Mâu khu tê mơdró kheăn kơdeăn mâu troăng hơlâ thăm tŏng kum khu tê mơdró tung pơla pá puât xua COVID-19; tối hâk păng ‘nâng mâu tơdroăng châ tơƀrê hbrâ mơdât pơreăng ƀă kơxô̆ mơngế pâk hên má môi lâp plâi tơnêi ƀă tơdroăng kâi trâng tơniăn, ƀeăn ƀĕng rơkê, mơdât châ tơƀrê pơreăng dêi Việt Nam.

Mâu khu tê mơdró tối mâu tơdroăng pơkâ thế, mơnhên pói vâ thăm tơrŭm, tê mơdró a Việt Nam, ki rơhêng vâ tối cho tung mâu kơvâ; Pơ’lêh xúa on tơhrik, kơdroh mơ’no trếo carbon; pơ’lêh pêi cheăng xúa kơmăi kơmok, kum djâ tơdroăng cheăng kâ xúa kơmăi kơmok Việt Nam tâk sap ing 21 rơtal dollars hơnăm 2021 to 57 rơtal dollars a hơnăm 2025.

A Sa Ly tơplôu ƀă tơbleăng