VOV4.Xơ Đăng - Kơxê  lơ 14/2, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa tơdah pôa Alok Kumar Sharma, Ngế xiâm pơkuâ Chin phuh, Kăn hnê ngăn Rôh hôp má 26 rêmpâ ki veăng tung tơdroăng tơkêa dêi Khu lâp kong têa 'na kong prâi pro hơ’lêh (COP26) dế ai rôh lăm pôu pêi cheăng a Việt Nam vâ mơdêk tơdroăng ki tơbleăng klêi kơ’nâi Rôh hôp.

Pôa Phạm Minh Chính tơdah pôa Alok Kumar Sharma

A rôh tơdah, Ngế pro xiâm hnê ngăn tơnêi têa phiu ro Ngế xiâm pơkuâ Chin phuh Ănglê hiăng rah xo Việt Nam cho môi tung mâu tíu troh dêi rôh lăm châu Á. Rôh hôp kố hiăng po môi hneăng ki nếo tung ivá mơ-eăm tung lâp plâi tơnêi vâ hbrâ mơdât ƀă kong prâi pro hơ’lêh, ƀă tơdroăng ki môi tuăn dêi kong têa ê rơtế pêi pro vâ ăm ôh tá ai xếo mâu trếo ‘mêi mơ’no lo pa gong a tơdế chal.

Pôa Alok Kumar Sharma tối tơdroăng ki hơ’lêh kân kố a Việt Nam klêi kơ’nâi rôh lăm pôu a khế 5/2021, rơkâu mâu tơdroăng ki hiăng pêi pro ƀlêi chiâng dêi Việt Nam tung hbrâ mơdât pơreăng. Mâu kong têa ki tơrŭm mơnhông xuân hlo mâu tơdroăng klâi ki Việt Nam hiăng pêi pro tơƀrê kân tung tơbleăng pâk vaccine.

Katarina Nga tơplôu ƀă tơbleăng