A rôh tơdah, pôa Phạm Minh Chính, Ngế pro xiâm hnê ngăn tơnêi têa mơnhên tối khât tơrŭm cheăng dêi Airbus ƀă peăng Việt Nam tung hên kơvâ cheăng, veăng gum mơdêk tơdjêp tung tơnêi têa, a kong têa ê ƀă mơnhông cheăng kâ rêh ối pơlê pơla Việt Nam, Ngế pro xiâm hnê ngăn tơnêi têa tối rơdêi Việt Nam ngăn nhuô̆m tơrŭm ƀă mâu kong têa châu Âu.

Malối cho mâu kong têa mơjiâng Airbus mê cho: Ănglê, Alơmăng, Pơhlăng, Tây Ban Nha; tơdrêng amê hlối hbrâ rơnáu pro trâu hngế tơrŭm cheăng khôi hmâ, loi tơngah ƀă kong têa tơrŭm cheăng tung la ngiâ ƀă mâu kong têa kố, malối cho ‘na cheăng kâ – tê mơdró, ‘no liăn cheăng, ing mê gum tơnêi tơrŭm cheăng Việt Nam ai ivá rơdêi, pro tơ’lêi hlâu, tơtro ƀă pơkâ dêi luât vâ mâu khu ‘no liăn cheăng kong têa ê tối tơdjuôm ƀă Grup pơkuâ Airbus tối krê ‘no liăn cheăng tê mơdró tơƀrê ƀă krá ton a Việt Nam, Ngế pro xiâm hnê ngăn Chin phuh pơkâ thế Grup Airbus pơtối tơrŭm ƀă mâu khu pơkuâ tơƀai dêi Việt Nam vâ mơnhông kơvâ kơmăi kơmok tơƀai a Việt Nam.