A rôh trâm, Ngế pro xiâm hnê ngăn kong têa Australia, péa pâ hiăng môi tuăn thăm mơnhông pơtroh khu râ kăn lăm troh a tơnêi têa dêi rơpó, tơbleăng pêi tơƀrê Tơdroăng pêi kong têa tơrŭm cheăng tung la ngiâ tŭm têk, tơmiât troh kơxô̆ liăn châ xo ing tê tơmeăm pơla péa pâ 20 rơtal USD, po rơdâ tơrŭm cheăng lêng, pơhlêh kơxô̆, khoa hok kong ngê̆ ƀă hnê mâu ngế pêi cheăng.

Pôa Anthony Albanese, Ngế pro xiâm hnê ngăn kong têa Australia tối rơdêi Việt Nam cho kong têa tơrŭm cheăng xiâm dêi Australia a Đông Nam Á. Tung rôh trâm Phŏ Ngế pro xiâm hnê ngăn kong têa Rusi, péa pâ hiăng môi tuăn mơnhông tê mơdró tơdâng, tơrŭm hên kơvâ, troăng rơxế lơ treng ƀă rĕng pro tơdroăng tơkêa on tơhrik trếo tik nik Ninh Thuận 1; tơdrêng amê hlối tŏng gum tơdroăng ki pá ‘na tê mơdró, gum kuăn pơlê Việt Nam a Rusi tơniăn ƀă mơnhông.