VOV4.Xơ Đăng - Drêng tơbâ 92 hơnăm Hâi mơjiâng Đảng Kŏng san Việt Nam, koh Đảng, hâk rơnó Hơngui, hâk tơnêi têa ƀă koh tơdah hơnăm nếo Nhâm Dần 2022, kong măng lơ 21/1, Khu tơrŭm tíu xiâm Tơnêi têa tơkŭm po leh tơbleăng ƀă diâp Pri hlá tơbeăng lâp tơnêi têa ‘na mơjiâng Đảng ai inâi “Búa liềm vàng” rôh má 6. Pôa Phạm Minh Chính, Ngế pro xiâm hnê ngăn tơnêi têa troh veăng ƀă diâp Pri. Tơpui a rôh leh, pôa Võ Văn Thưởng, kăn pơkuâ hnê ngăn Đảng mơnhên tối khât tơdroăng ki veăng kum kân kĭn dêi hlá tơbeăng lâp tơnêi têa ƀă hnoăng cheăng mơjiâng ƀă ‘mâi rơnêu Đảng tung pơla hdrối nah, khĕn kơdeăn tơdroăng ki mơ-eăm dêi Khu hnê mơhno, Khu tơkŭm po tơ’noăng “Búa liềm vàng” rôh má 6 ƀă rơkâu mâu ngế ki chêh châ kâ pri.

Pôa Phạm Minh Chính, Ngế pro xiâm hnê ngăn tơnêi têa diâp pri ăm mâu ngế ki chêh rơkê

Kăn pơkuâ ngăn Đảng tối nhên, mâu hlá tơbeăng ‘na mơjiâng Đảng hiăng kum hên hĭn kuăn pơlê tung tơnêi têa ƀă a kong têa ê ‘nâi nhên tâ ‘na Đảng pin ƀă hnoăng cheăng mơjiâng, ‘mâi rơnêu Đảng ‘na mâu tơdroăng ki blêi chiâng dêi tơnêi têa xua tơdroăng pơkuâ dêi Đảng.

Katarina Nga tơplôu ƀă tơbleăng