Tơpui a rôh leh, Ngế pro xiâm hnê ngăn tơnêi têa tối nhên Mơđah tơbleăng kố hiăng ƀlêi chiâng tơkâ luâ mâu tơdroăng ki púi vâ, mơhno hiâm mơno tơrŭm tâi tâng hdroâng mơngế - xiâm kối pro chiâng mâu tơdroăng ki ƀlêi chiâng mê cho tuăn ngoâ, ivá khên tơnôu ƀă tơdroăng rơhêng vâ mơ-eăm troh hngế dêi hdroâng mơngế Việt Nam tung chal ki nếo.

Ƀă tơdroăng ki vêh mơhno ki ƀlêi trâng tơdroăng ton nah, Mơđah tơbleăng kố cho um kơchuâ tŭm ‘na ki ƀlêi chiâng kăch măng 80 hơnăm, tro ƀă rôh ki châ ƀlêi trâng tơniăn krê hdroâng mơngế ƀă mơjiâng chuh ngiah xah hô̆i. Kố cho mơhno tối rơdêi ki tơdrăng tơniăn krê hdroâng mơngế tro chuh ngiah xah hô̆i, tơdrêng amê hlối mơnhông hiâm mơno Việt Nam.

Ngế pro xiâm hnê ngăn tơnêi têa tối rơdêi, Mơđah tơbleăng 80 hơnăm - Troăng prôk tơniăn krê, hơniâp ro” pơ-ôu pơ-eăng hiâm mơno pâ nhuô̆m tơnêi têa ƀă tơdroăng loi krá khât dêi Kuăn pơlê ƀă Đảng, Tơnêi têa ƀă tơdroăng cheăng pơhlêh nếo.