A Hneăng hôp, mâu kăn teăng mâ hiăng tơpui tơno, mơnhên troăng prôk la ngiâ, pơkâ pêi, troăng tơmiât, hnoăng cheăng ki xiâm ƀă troăng pêi ki châ tơƀrê vâ pêi pro hnoăng cheăng tung rơxông nếo, mơjiâng Đảng ƀô̆ ƀă kơvâ tơpui kâ krá tơniăn, tâi tâng, tiô rơxông nếo rơkê.

Xông tơpui a Hneăng hôp, pôa Phạm Minh Chính, Ngế pro xiâm hnê ngăn tơnêi têa mơnhên: Tơdroăng tơrŭm pơla pái khu tơpui kâ Đảng, tơpui tơno Tơnêi têa ƀă tơpui kâ kuăn pơlê châ pêi pro ƀeăn ƀĕng, tơdâng tơ’mô, mơjiâng tơdroăng tơpui kâ tâi tâng, tâi tâng kuăn pơlê, kum kal khât pro trâu hơngế tơrŭm cheăng dêi tơnêi têa pin ƀă mâu khu tơrŭm cheăng, mơdêk hnoăng cheăng, tíu pêi cheăng dêi tơnêi têa; tơdrêng amê mơdêk hnoăng, ki loi tơngah dêi Đảng pin tung lâp plâi tơnêi têa.