A Hneăng hôp, pôa Phạm Minh Chính, Ngế pro xiâm hnê ngăn tơnêi têa tối pái troăng prôk kân vâ mơdêk tơrŭm cheăng ton xŏn tâi tâng ASEAN – Hàn Quốc tung la ngiâ, tá kơjo mơdêk tơdjêp cheăng kâ, tê mơdró, mơ’no liăn cheăng tiô troăng krúa lĕm kong prâi, xúa kŏng ngê̆, têk chu chu têk ƀă krá tơniăn; po tơpui tơno râ AKFTA, po rơdâ tơrŭm cheăng troh mâu kơvâ nếo môi tiah cheăng kâ krúa lĕm kong prâi, cheăng kâ xúa kŏng ngê̆, tuăn ngôa rơkê, troăng pơtroh tê rôe kế tơmeăm.

Pôa Phạm Minh Chính, Ngế pro xiâm hnê ngăn tơnêi têa mơnhên, Việt Nam tŏng gum mâu tơdroăng mơ-eăm dêi Chin phuh Hàn Quốc vâ vêh tơdjêp tơpui tơno ƀă tơrŭm pơla péa pâ Triều Tiên, veăng hên tung tơdroăng kố vâ mơjiâng tíu hơniâp lĕm, tơniăn ƀă mơnhông kro mơdrŏng a Rơlố Triều Tiên, ƀă môi tuăn tơdroăng ôh tá pro trếo tik nik a Rơlố Triều Tiên.