A rôh hôp tâi tâng, pôa Phạm Minh Chính, Ngế pro xiâm hnê ngăn tơnêi têa tối nhên ki kal dêi tơdroăng mơ-eăm xêh tung la ngiâ ƀă rêm kong têa, rêm khu tơrŭm tung lâp plâi tơnêi, tung mê ai Việt Nam ƀă ASEAN. Tiô pôa Phạm Minh Chính, Ngế pro xiâm hnê ngăn tơnêi têa, tơdroăng kố châ mơ’no a tơdroăng tơdâng tung tơrŭm cheăng tơpui kâ tiô luât vâ tơdroăng tơ’lêi hlâu ăm mơnhông; tơdroăng mơdêk cheăng kâ vâ pôi tá tro ton tơrŏng; tơdroăng gâk kring cheăng châ ‘mâi mơnhông tơtro ƀă tơdroăng ki ai khât; rak vế tơdroăng rêh ối cheăng vâ pôi tá ai kơbố ki lâi tro lôi pá rŏng, ôh tá lu lêa pơlê pơla vâ tơdâng vâ mơnhông tê mơdró môi pâ; rak vế; mơnhông túa lĕm tro.

Malối ƀă tơdroăng ki mơnhông hnoăng cheăng tíu xiâm dêi ASEAN pôa Phạm Minh Chính, Ngế pro xiâm hnê ngăn tơnêi têa tối nhên, ASEAN athế mơhno nhên hnoăng cheăng tíu xiâm tung khu, ‘na mâu tơdroăng ki tơdjâk troh ôh tá tơniăn, tơdjâk troh hơkăng, tơdjâk troh mâu tơdroăng lâp plâi tơnêi nôkố. Tiô Pôa Phạm Minh Chính, Ngế pro xiâm hnê ngăn tơnêi têa, ki hdrối tâ rêm kong têa ai môi troăng hơlâ, pêi pro ƀă pro pơxúa tơƀrê ăm hơniâp lĕm tơrŭm cheăng ƀă mơnhông nôkố tung lâp plâi tơnêi; má péa ASEAN athế tơkŭm tâi tâng mâu tơdroăng pêi tơƀrê dêi mâu kong têa tung ASEAN vâ pơtó tơdroăng ki hâk vâ ivá pêi cheăng ăm mâu kơpong ki ê, ăm mâu kong têa tung lâp plâi tơnêi.