Tiô Ngế pro xiâm hnê ngăn tơnêi têa tối, pơ’lêh kơxô̆, mơnhông Chin phuh kơxô̆, cheăng kâ kơxô̆, pơlê pơla kơxô̆ dế chiâng tơdroăng mơ-eăm ki tâk nếo, chôa mơhno hnoăng cheăng ki kal xiâm dêi tơdroăng mơnhông krá tơniăn.  Ngế pro xiâm hnê ngăn tơnêi têa tối, riân sap ing mot tung ASEAN, Việt Nam đi đo mơnhên ASEAN cho xiâm pêi ahdrối tung luât pơkâ ‘na tơpui kâ.

Pakĭng mâu tơdroăng hiăng châ pêi pro, Ngế pro xiâm hnê ngăn tơnêi têa tối tối tiah kố ASEAN kal thế tơdrăng tung mâ ngăn mâu pơloăng mơnúa kân nôkố, malối cho tơbriât cheăng rế kơtăng ó tung kơvâ kŏng ngê̆, chêh ‘măn tung kơmăi ƀă tơdroăng cheăng kơxô̆. Hlo tơdroăng kal ti mê, Ngế pro xiâm hnê ngăn tơnêi têa pâ thế ASEAN mơdêk mơjiâng mâu luât mơnúa ăm kơmăi kơmok, túa mơdró kâ ki nếo vâ po rơdâ tung tâi tâng kơpong; pakĭng mê, tối nhên mơnhông tuăn ngôa rơkê thế rơtế ƀă pơkâ ki lĕm tro, xo kuăn mơngế pro xiâm, pêi pro ăm tơdroăng hơniâp lĕm, tơrŭm ƀă mơnhông krá tơniăn