VOV4.Xơ Đăng - Kơxo lơ  20/1, pôa Phạm Minh Chính, Ngế pro xiâm hnê ngăn Chin phuh veăng hôp ƀă hnê mơhno a Hneăng hôp tơbleăng tơdroăng cheăng ‘na khăm pơlât hơnăm 2022 xua Khu xiâm ngăn pơkeăng pơlât tơkŭm po tiô tơdroăng mơ’no tung troăng hyôh Internet ƀă lối 700 tíu hrik mơ’no a 63 to kong pơlê, pơlê kong kân tung lâp tơnêi têa.

Tơbleăng a hneăng hôp, pôa Phạm Minh Chính, Ngế pro xiâm hnê ngăn Chin phuh tối nhên, kơvâ ngăn ‘na cheăng khăm pơlât tơkâ luâ tơdroăng pá tơvâ tơvân, kơdroh ki pá tơvâ tung tơdroăng hbrâ mơdât pơreăng môi tiah ăm phêp xúa pơkeăng, vaccine, mơjiâng mơjiâng mâu khu khăm pơlât ki lăm prôk ukố umê, hngêi pơkeăng pơtân ƀă malối cho luât pơkâ rôe tơmeăm, pơxâu phâk kơtăng mâu ngế pro xôi, tơmâng khât hbrâ mơdât khu pki pro tơdroăng ôh tá tro, kâ kơluâ, ki tăng pro pơxúa ăm khu.

Pôa Phạm Minh Chín, Ngế pro xiâm hnê ngăn tơnêi têa tơbleăng a hneăng hôp

Ôh tá ăm ai “môi ngế ki tuăn ‘mêi pro ôh tá tro ah chiâng tơdjâk troh hên ngế ki ê”, mơjiâng khu kăn ƀô̆, thái pơkeăng, mơngế pêi cheăng thế khên tơnôu, tuăn châ krá ‘na tơdroăng kal kí, rơkê plĕng ‘na tơdroăng cheăng, rơkê ‘na khăm pơlât, tơ-ƀrê tung mâu tơdroăng cheăng. Mơdêk hnê hriâm ăm mâu kăn ƀô̆ ngăn pơkeăng ‘na tuăn hiâm hnoăng cheăng pêi ƀă tuăn mơno lĕm tung tơdroăng cheăng pêi.

Gương tơplôu ƀă tơbleăng